七巧板

近幾個月，朝早成日都拎到頭條日報，而我對其中玩七巧板的部份甚感興趣。我試過真係跟住指示，將報紙剪落來，試下點樣去砌，不過玩的效果真係好差，風一吹就散晒。我諗過去買一副真正的七巧板來玩，但呢種小朋友的玩意，專登去買副真的又有點兒那個，所以一直拖延，直到最近...

我睇見NDS出左隻新GAME，正正就係玩七巧板的，DOWNLOAD落來一玩就沉迷，但我都唔知點解會突然愛上玩七巧板。可能原因之一，是遊戲的玩法實在好簡單，跟進個結果左砌右砌，而過程又好似動緊腦筋，所以某程度上o係度訓練思維，有呢種利誘之下就不停地玩。

玩左幾日之後，覺得七巧板真係幾神奇，好似嘜野都可以砌到。上網GOOGLE一下，先知道原來我玩緊的是日本七巧板，同中國的七巧板唔同，唔怪之得我初初玩的時候，都覺得好似同細個玩的有所不同，以為是改良版，其實係日本版，真係唔查唔知。再查多幾查，又知道點解七巧板好似咩圖案都可以砌到之謎。原來答案得四個字，就係「等積變換」，齋睇呢四個字似懂非懂，但我無再深究，繼續玩呢隻GAME好過。